25 sentyabr 2026-cı il tarixində Azərbaycan Dövlət Neft və Sənaye Universitetinin (ADNSU) təşkilatçılığı ilə keçirilən “UI GreenMetric Dayanıqlı Universitetlərin Reytinqi: 2026-cı il üzrə nəticələr və mükafatlandırma mərasimi” çərçivəsində tədbir iştirakçıları üçün SABAH.city innovasiya şəhərciyinə kampus turu təşkil olunub.

Beynəlxalq tədbirdə iştirak edən universitet rəhbərləri, ekspertlər, tədqiqatçılar və digər qonaqlar SABAH.city-nin infrastrukturu, fəaliyyət istiqamətləri və inkişaf perspektivləri ilə tanış olublar.

Səfər zamanı iştirakçılara SABAH.city-nin innovasiya, elm, təhsil və sahibkarlıq ekosisteminin inkişafına verdiyi töhfə, burada fəaliyyət göstərən laboratoriyalar, startaplar və texnologiya şirkətləri, eləcə də müasir infrastruktur haqqında məlumat verilib.

SABAH.city-yə təşkil olunan kampus turu ali təhsil müəssisələri arasında təcrübə mübadiləsinin genişləndirilməsi və innovasiya yönümlü əməkdaşlıq imkanlarının təşviqi baxımından əhəmiyyətli olub.